un cocao

OMENI di Francesco Sassetto

Semo fati de carne e de sangue,
De suor, de fadiga e stanchessa,
De lagrime, de vogia de amor,
De na sola caressa.
Semo fati de sogni sbregai,
De cari visi andai via,
De giorni butai,
De ricordi co'l tempo
Sempre un fia' più sfogai.
Ne supia in bocca el caligo
De prima matina,
De note ne varda la luna
Rifar i passi segnai
Da la strica de ciaro
Che manda i fanai.
Tante domande ne rodola
In testa
Risposte nissuna.
Do pie ne tien fermi
Tacai a sta tera
Ma co i oci andemo nel cielo
A spiar de sera
Corar alti i cocai.